Austurgerði 10 jarðhæð 108 Reykjavík6968515bryndis@tonhaedin.is
Suzuki uppeldisaðferðin

Öll börn geta lært ef umhverfið er hvetjandi Suzuki kennsluaðferðin er kennd við  japanska fiðlukennarann Shinichi Suzuki sem fæddist árið 1898 og lést 1998.Suzukikennsla hófst á Íslandi upp úr 1980.Suzukiaðferðin byggir á þeirri grunnhugmynd að öll börn geti lært tónlist, rétt eins og þau geta öll lært móðurmál sitt. Það sem þarf er tónlist í umhverfinu, góður kennari og virk þátttaka og uppörvun foreldra.

Helstu einkenni aðferðarinnar eru:

·  Börnin geta byrjað ung eða um þriggja til fimm ára.

·  Börnin læra með stöðugri hlustun á námsefnið.

·  Foreldrar fylgja með í alla tíma og æfa með börnunum heima

·  Námið felst bæði í einkatímum og hóptímum

 

Shinichi Suzuki

Japaninn Shinichi Suzuki fæddist árið 1898. Faðir hans rak fiðluverksmiðju í Japan. Shinichi kynntist þó ekki vestrænum tónlistarheimi fyrr en hann var 17 ára gamall og heyrði í þýskum fiðluleikara af hljómplötu en plötuspilarar höfðu þá nýlega borist til Japans. Svo heillaður var hann af tóni fiðluleikarans og fiðlunnar að hann einsetti sér að ná tökum á hljóðfærinu. Hann nam meðal annars í Þýskalandi í átta ár frá tvítugsaldri hjá prófessor Klingel í Berlín. Hann flutti aftur til Japans að námi loknu ásamt þýskri eiginkonu sinni og hóf að kenna í Tónlistarháskólanum í Tokyo.

Dag einn kom vinur hans með 4 ára son sinn og bað Suzuki um að kenna honum á fiðlu. Suzuki fannst hann vera heldur ungur en velti því fyrir sér hvernig hann gæti mögulega kennt svo ungu barni. Þá laust niður þessari hugmynd Suzukis að fyrst öll börn gætu lært móðurmál sitt, hversu flókið sem það væri, ættu allir að geta lært að spila á flókin hljóðfæri á svipaðan hátt.

Þetta var upphafið að þróunarvinnu sem hann vann að næstu árin og hann náði undraverðum árangri sem vakið hefur athygli víða um heim.

Hann kenndi fiðlukennurum kennsluaðferð sína og þannig hefur aðferð hans breiðst út um allan heim. Sjálfur kallaði hann aðferð sína móðurmálsaðferðina.

 

Menu

Provided by water damage columbus